इचलकरंजी | डीकेटीईच्या टेक्स्टाईल अ‍ॅन्ड इंजिनिअरींग इन्स्टिट्युटच्या मुलांच्या खो-खो संघाने विजयी घौडदौड कायम ठेवत लीड कॉलेजची खो-खो स्पर्धा जिंकणार्‍या मुलांच्या संघाने राष्ट्रीय स्तरावरील कॉलेज ऑफ इंजिनिअरींग पुणे येथे संपन्न झेस्ट-25 ही स्पर्धा जिंकली आहे.
पुणे येथे संपन्न राष्ट्रीय स्तरावरील खो-खो स्पर्धेत डी.वाय.पाटील पुणे कॉलेज संघावर मात करत डीकेटीईच्या विद्यार्थ्यांनी प्रथम क्रमाकांचे बक्षिस संपादन केले आहे. या विजयी संघात यश देसाई, चैतन्य माने, सचिन चव्हाण, आदित्य बुक्का, अभिषेक पाटील, तेजस सोनवणे, अदित्य दरेकर, ओंकार परब, निलेश पुजारी, वैष्णव पाटील, सतेज मांगलेकर, सौरभ बेडक्याळे, वैभव पाटील, अभिषेक चौगुले, संदेश पाटील यांचा समावेश आहे.
विजयी संघास संस्थेचे अध्यक्ष कल्लाप्पाण्णा आवाडे, उपाध्यक्ष प्रकाश आवाडे, मानद सचिव डॉ. सपना आवाडे, कार्यकारी संचालक रवी आवाडे व सर्व विश्‍वस्तांचे मार्गदर्शन लाभले. संस्थेचे अध्यक्ष कल्लाप्पाण्णा आवाडे, व सचिव डॉ. सपना आवाडे यांच्या प्रमुख उपस्थित सर्व विद्यार्थ्यांचा सत्कार करण्यात आला. यावेळी संचालिका प्रा. डॉ. एल. एस. आडमुठे, स्पोर्टस इनचार्ज ओंकार खानाज उपस्थित होते.