कोल्हापूर –
कोल्हापूर जिल्ह्यात दि. 27 ऑगस्ट 2025 ते 6 सप्टेंबर 2025 या कालावधीत गणेशोत्सव पारंपरिक उत्साहात साजरा करण्यात येणार आहे. महाराष्ट्र राज्याचे अधिकृत ‘गणेशोत्सव 2025’ हा सण राज्य महोत्सव म्हणून घोषित करण्यात आला असून, सांस्कृतिक कार्य विभागाचे मंत्री महोदयांनी विधान भवनात ही घोषणा केली आहे.या पार्श्वभूमीवर “स्वस्थ आणि सुरक्षित कोल्हापूर” या संकल्पनेनुसार कोल्हापूर जिल्हा प्रशासनाने सर्व गणेश मंडळांना पुढील निर्देश दिले आहेत.
🔇 डॉल्बीमुक्त उत्सवाचे आवाहनसर्व मंडळांनी डॉल्बी किंवा उच्च क्षमतेच्या ध्वनीप्रणालीपासून दूर राहून, पारंपरिक वाद्यांचा (लेझीम, ढोल, ताशा इत्यादी) वापर करून गणेश मिरवणुका पारंपरिक पद्धतीने काढाव्यात. यामुळे पर्यावरणावर होणारे दुष्परिणाम टाळता येणार आहेत.
🌟 लेझर लाईटला फाटागणेश मूर्ती आगमन व विसर्जन मिरवणुकांमध्ये लेझर लाईटचा वापर होणार नाही, यासाठी भारतीय नागरी सुरक्षा संहिता 2023 चे कलम 163(1) अन्वये जिल्हाधिकाऱ्यांकडे आदेश काढण्याची प्रक्रिया सुरू आहे.
👮♂️ एक खिडकी योजना — परवानगीसाठी सुलभ व्यवस्थागणेश मंडळांना परवानगी मिळवण्यासाठी पोलीस विभागाकडून ‘एक खिडकी योजना’ कार्यान्वित केली जाणार आहे. मंडळांनी आपले अर्ज स्थानिक पोलीस ठाण्यात सादर करून अधिक माहितीसाठी नोडल अधिकाऱ्याशी संपर्क साधावा.
👩 महिलांचा सहभाग अनिवार्यगणेशोत्सव अधिक समर्पक, सांस्कृतिक व सामाजिक स्वरूपात साजरा करण्यासाठी महिलांचा सहभाग वाढवण्याचे विशेष आवाहन करण्यात आले आहे. महिला सहभागामुळे उत्सव अधिक सृजनशील, अनुशासित आणि प्रेरणादायी ठरेल, असा विश्वास व्यक्त करण्यात आला आहे.
🕉️ सांस्कृतिक कार्यक्रमांना प्राधान्यसर्व मंडळांनी पारंपरिकतेला चालना देण्यासाठी सांस्कृतिक कार्यक्रमांचे आयोजन करावे. जिल्हा पातळीवर होणाऱ्या स्पर्धांमध्ये जास्तीत जास्त मंडळांनी सहभाग घ्यावा, असे आवाहन करण्यात आले आहे.
🌊 विसर्जनाची योग्य काळजीदि. 2 सप्टेंबर 2025 रोजी गौरी-गणपती मूर्ती विसर्जन करण्यात येणार आहे. मूर्तीचे विसर्जन प्रशासनाने उपलब्ध करून दिलेल्या विशेष विसर्जन कुंड, नदी, विहीर किंवा तलाव यामध्येच करावे. तसेच गौरी पूजनानंतरचे निर्माल्य ठराविक ठिकाणी ठेवण्यात आलेल्या ट्रॉलीमध्येच टाकावे, असे आवाहन करण्यात आले आहे.
कोल्हापूरकरांनी यंदाचा गणेशोत्सव डॉल्बीमुक्त, पर्यावरणपूरक आणि पारंपरिक पद्धतीने साजरा करून एक आदर्श निर्माण करावा, असे आवाहन जिल्हा प्रशासनाने केले आहे. “गणरायाच्या आशीर्वादाने कोल्हापूर सुरक्षित, सुसंस्कृत आणि सौहार्दपूर्ण राहो,” असा संदेश यानिमित्ताने देण्यात आला आहे.
